Tuesday, December 8, 2015
CIKIN BAYANI AKAN HASSADA.
CIKIN BAYANI AKAN HASSADA.
Malam yace:
ﻭﺍﻟﺤﺴﺪ .
WAL HASADU
««fassara»»
Dayin hassada
SHARHI
-------
Abin da ake cewa hassada shine:
Mutum yayi burin ku6ucewar wata ni'ima da Allah
yayiwa wani mutum babu gaira babu dalili saidan
kawai yanayi masa baqin ciki.
To wannan kai tsaye haramunne.
Saboda fadin ubangiji madaukakin sarki acikin
SURATUN NISA'I ayata 54.
KO KUMA SUNA YIWA MUTANE HASSADA NE
AKAN ABIN DA ALLAH YABASU NA FALALA ?
Sannan kuma cikin SURATUL FALAQ ayata 5
INA NEMAN TSARINKA (ALLAH) DAGA SHARRIN
MAI HASSADA IDAN YAYI HASSADAR.
Amma babu laifi idan kaga mutum Allah yabashi
ilimi ko dukiya, yana taimakon Addinin Allah dasu,
kace:
INAMA DAI ACE NIMA INADA ABU KAZA IRIN NA
WANE ?
DA NA TAIMAKI ADDININ ALLAH DASHI KAMAR
YADDA YAKEYI.
Amma shima din idan kaso ni'imar ta kubce daga
wajensa tadawo wajenka to wannan tazama
hassada kai tsaye, kuma baka da lada akan
wannan tunani.
Akwai abubuwa da dama acikin hassada, idan
nasami lokaci zanyi sharhi akanta.
Insha Allah.
Muna rokon Allah ya rabamu da HASSADA. adsense 2 here
Burodin ayaba
Barkanmu da ganin wata mai girma tare da fatan kuna cikin koshin lafiya. A yau na kawo muku yadda ake yin burodin ayaba. Za a iya gwada wa a lokacin yin buda baki ko kuma don yi wa bakin da aka gayyato shan ruwa. Kamar yadda muka yi muku alkawari , za mu cigaba da kawo muku nau’ukan girke-girke daban-daban.
Abubuwan da za a bukata:
•Fulawa
• kwai
• Suga
•‘Baking powder’
•Ayaba
•Madara
•Bata
Hadi:
A samu ayaba biyu a kwabasu da cokali mai yatsu, sannan a zuba fulawa a kwano sannan a zuba ‘baking powder’ da suga da madara sannan a kwaba. Bayan haka, a zuba bata kamar cokali biyu sannan a kwaba sosai. Sannan a fasa kwai biyu da wannan kwababben ayabar a cikin fulawar da aka yi masa hadin suga da sauransu. Sai a gauraya don su kwabu. Sannan sai a dauko na’urar gasa burodi a zuba sannan a saka a gidan gasa burodi. Bayan mintuna arba’in da biyar, sai a cire.
Za’a iya cin wannan hadin burodin da shayi bayan an sha ruwa. Kuma za a iya aika wa makwabta domin su dandana sabon salon burodi. A sha ruwa lafiya.
MAJNOON hausa love novels
Matashin saurayine mai kimanin shekaru 30, gashin kansa duk ya kudun dune, Launin fatarsa ya chanza saboda dattin dake jikinsa rigarsa duk ta yage, Farine amma saboda tsabar datti har farin yafara dishewa, fatar jikinsa dukta jeme saboda zafin rana hakama tufafin dake jikinsa, amma hakan bai hana kyan fuskarsa fita ba, kyankywane duk da cikin sigar hauka yake...... Read more