Sunday, July 19, 2015
BAYANI AKAN KISHI.
DOMIN KE DA MIJINKI.
««fitowa ta 1»»BY ABBA-GANA
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ
ﻭﺻﻠﻰ ﺍﻟﻠﻪ ﻋﻠﻰ ﻣﺤﻤﺪ ﻭﺁﻟﻪ ﻭﺻﺤﺒﻪ ﻭﺳﻠﻢ
Kishi wani abune mai kyau idan aka saka shi a
wurin daya dace, yakan zama mummuna idan ya
zarce yadda ake buqatarsa, kamar yadda ake
sarrafa dawa akeyin kamu da ita asha, idan aka
jiqata kwanakin suka wuce sai ta zama giya, ko
ruwan kwakwa da yake zama bammi da
sauransu.
kishin maza zaizo a wajen Miji na Qwarai bayan
nagama da Matata Gari.
Mace tagari takan nisanci mummunan kishi
domin yakan rage qaunarta a zuciyar mijin batare
da ta saniba, wata matar takan yi kishi da uwar
mijinta, wata har da 'ya'yan da ta haifama bawai
'ya'yan kishiya ko ita kanta kishiyar ba.
Irin wannan kishin yakan 6ata gidane gaba daya,
ya 6ata rayuwar aure data maigidan da 'ya'yansa
har da ita kanta matar.
A dan iya shekarun da nayi, naga matar data
kashe kanta saboda kishi, wai bazata zauna da
kishiya ba.
Naji wacce tanemi ran mijin Allah ya qwace shi.
Naga wacce tanemi sabautashi maqwabta suka
kai masa dauki.
Sannan naji wace ta zubawa kishiyar da
'ya'yanta fetur zata saka wuta Allah ya qwacesu.
Naga wace ta saka aka kori mijin daga wurin
aikinsa.
Naga wace take addu'ar Allah ya talautar da
mijin don karya iya aure.
Wata tasa an kashe kishiyar.
Wata tanemi an haukatar da ita.
Wata tanemi sakin matar.
Wata ta sayar da lahirarta gaba daya don kawai
wani dadi maras tushe a duniya.
kai ni naga wace ta saka 'ya'yan kishiyarta a
gaba, bata qaunar jin alherinsu.
Wai dacewa duk wadannan suna ganin abin da
sukeyi daidai ne.
Irin wannan yasa magabatanmu Allah yasaka
musu da alkhairi maganarsu a ranar budar kai
tafi qarfi wajen hana mummunan kishi.
Shiyasa Abdullahi bn Ja'afar (R.A) yayiwa 'yarsa
nasiha a ranar kaita daki dacewa:
"Inayi miki kashedi da kishi domin mabudin saki
ne.
Kul da yawan zargi don yakan kawo qiyayya.
Kisaba da tozali"
Kishi yakan wargaza gida ne.
Shiyasa yazama dole a wajen mace tagari ta
nesance shi.
Macen data kamu da wannan cutar ta kishi zaka
riske ta kullum a cikin tsoron cewa wata zatazo
ta qwace mata shi.
Shin me wancan take dashi da ita bata dashi ???
Me wancan takeyi da ita bata iya ba, ko kuma
bazata koya ba ???
Idan budurci ne shekara Daya tayi yawa zaku
zama uwaye.
Idanma ke kin sanshi samada ita, kin gaje gidan
da 'ya'yan farko, ashe itace zatayi kishi dake.
Meyasa kike kishi da ita ?
Haqiqa kishi ba qaunar miji bane, kawai shakka
ne da tsoro na rashin mijin.
Wato galibi mata basu da sakankancewar zuciyar
mijin a kansu, don haka zasu kadaita hankalinsa
akansu koda arziqi koda tsiya.
Matan Annabawa da sahabbai sunyi kishi, amma
nason ace mijin ya amfana dasune kawai, na
neman yardar mijin ne a lahirance, kowa tana
qaunar samun lada.
Shiyasa wata ta iya kyauta da kwananta, don ba
shine matsalarta ba, aljanna take nema tareda
manzon rahama, ko kin fahimci Hausata ???
Ku biyoni a darasi na 6.
Insha Allah. adsense 2 here
Burodin ayaba
Barkanmu da ganin wata mai girma tare da fatan kuna cikin koshin lafiya. A yau na kawo muku yadda ake yin burodin ayaba. Za a iya gwada wa a lokacin yin buda baki ko kuma don yi wa bakin da aka gayyato shan ruwa. Kamar yadda muka yi muku alkawari , za mu cigaba da kawo muku nau’ukan girke-girke daban-daban.
Abubuwan da za a bukata:
•Fulawa
• kwai
• Suga
•‘Baking powder’
•Ayaba
•Madara
•Bata
Hadi:
A samu ayaba biyu a kwabasu da cokali mai yatsu, sannan a zuba fulawa a kwano sannan a zuba ‘baking powder’ da suga da madara sannan a kwaba. Bayan haka, a zuba bata kamar cokali biyu sannan a kwaba sosai. Sannan a fasa kwai biyu da wannan kwababben ayabar a cikin fulawar da aka yi masa hadin suga da sauransu. Sai a gauraya don su kwabu. Sannan sai a dauko na’urar gasa burodi a zuba sannan a saka a gidan gasa burodi. Bayan mintuna arba’in da biyar, sai a cire.
Za’a iya cin wannan hadin burodin da shayi bayan an sha ruwa. Kuma za a iya aika wa makwabta domin su dandana sabon salon burodi. A sha ruwa lafiya.
MAJNOON hausa love novels
Matashin saurayine mai kimanin shekaru 30, gashin kansa duk ya kudun dune, Launin fatarsa ya chanza saboda dattin dake jikinsa rigarsa duk ta yage, Farine amma saboda tsabar datti har farin yafara dishewa, fatar jikinsa dukta jeme saboda zafin rana hakama tufafin dake jikinsa, amma hakan bai hana kyan fuskarsa fita ba, kyankywane duk da cikin sigar hauka yake...... Read more
Jazakallahu khairan
ReplyDelete