Sunday, July 19, 2015
LABARIN WANI MAZINA CI
ZINA BASHI CE!
'Yan uwana Maza da Mata akwai wata Qissa da
zan bamu, mai matu'kar amfani acikin wannan
zamanin namu, ma'abocin Qissar, wanda abin
yafaru dashi, shine yake bayar da Labarin yadda
al'amarin ya kansace dashi.
Labarin yana cikin wata Mujallah (Magazine News
paper) ta 'kasashen Larabawa, kuma cikin
harshen Larabcine, amma
zanyi 'kokari wajen fassarawa gwargwadon yadda
na fahimta, saboda nima din ba gwani bane a
harshen Larabci.
gata kamar haka.......
Mutumin yana cewa:
A lokacin da ina saurayina nasami Admission a
Jami'a, bayan nafara karatunne sai na had'u da
wata Budurwa (Girl-friend) acikin Jami'ar tamu
muka 'kulla soyayya da ita tamkar ma'aurata,
hardai tasami juna biyu, (yai mata ciki kenan).
Da iyayenta suka gane sai suka tambayeta wanda
yayi mata ciki sai tace nine nayi mata.
Sai yayanta yataho nema na a fusace yana nufin
d'aukar mataki a kaina, yana zuwa saiya
tambayeni kaine kayima qanwata ciki ko ???
Sai na amsa masa da cewa:
Wace ce, ni banma ta6a ganinta ba a Rayuwata,
ban santa ba.
Sakamakon rashin hujjar da zasu kamani da ita
dole suka 'kyaleni.
Bayan tsawon zamani, wata rana nadawo gida
saina tarar da Mahaifiyata a dur'kushe tana tana
kuka.
Saina dur Qusa na daga ta sai tasake yanke jiki
tafad'i 'kasa har sau uku saina tambayeta a karo
na qarshe:
"Ya Ummi Man ladzhi haddath (me ya faru
mama)?
Sai tace:
Qanwarkace gata can wani yayi mata ciki!
Yace sai naji kamar an sokeni da mashi,
hankalina yatashi na tasa 'keyarta muka tafi
wurin wanda tace yai mata cikin.
Da mukaje sai yafada min maganar data tayarmin
da hankali.
Bawata magana bace face wadda na fadama
yayan yarinyar da nayi
ma ciki a baya.
(Ban santa ba, banma ta6a ganinta ba)!
Bayan zamani yaqara yin nisa sai nayi nufin yin
aure nafara neman aure nasamu matar da nake
so kuma akasa lokaci akayi biki, ranar farko dana
tare da ita saina sameta ba a matsayin budurwa
ba.
Ma'ana tariga tayi zina, tuni hankalina yatashi.
Saita fadamin wata magana mai shiga rai.
"Don Allah karufa min asiri, ka suturta al'amarina
kaima Allah sai ya suturta al'amarinka."
Yace sai nace acikin zuciyata:
Ya Rabby yakfy, yakfy.
(Ma-ana Ya Mahalliccina ya isa haka ya isa
haka).
•Ya cigaba da cewa:
Bayan mun kwashe shekaru da matata sai muka
haifi 'ya mace kyakkyawa gata da haske kamar
wata.
A lokacin da tacika shekaru 6 a duniya sai gata
wata rana tashigo gida tana kuka.
Me yafaru ?
Ai me gadine yayi mata fyad'e!
INNA LILLAHI WA INNA ILAIHI RAJI'UN
Aljazaa'u min jinsil amal!
Wallahi duk tsiyar da kake sheqewa idan Allah
ta'ala yaga
dama sai ya hada maka zafi kan zafi irin wannan!
Yanzu kunga shi ya lalata 'yar mutane guda daya
tak shi kuma an lalata masa guda uku!
Yaa Allah ka Qara karemu daga zina, masuyi
kuma Allah ka shiryasu.
favicon.ico adsense 2 here
Burodin ayaba
Barkanmu da ganin wata mai girma tare da fatan kuna cikin koshin lafiya. A yau na kawo muku yadda ake yin burodin ayaba. Za a iya gwada wa a lokacin yin buda baki ko kuma don yi wa bakin da aka gayyato shan ruwa. Kamar yadda muka yi muku alkawari , za mu cigaba da kawo muku nau’ukan girke-girke daban-daban.
Abubuwan da za a bukata:
•Fulawa
• kwai
• Suga
•‘Baking powder’
•Ayaba
•Madara
•Bata
Hadi:
A samu ayaba biyu a kwabasu da cokali mai yatsu, sannan a zuba fulawa a kwano sannan a zuba ‘baking powder’ da suga da madara sannan a kwaba. Bayan haka, a zuba bata kamar cokali biyu sannan a kwaba sosai. Sannan a fasa kwai biyu da wannan kwababben ayabar a cikin fulawar da aka yi masa hadin suga da sauransu. Sai a gauraya don su kwabu. Sannan sai a dauko na’urar gasa burodi a zuba sannan a saka a gidan gasa burodi. Bayan mintuna arba’in da biyar, sai a cire.
Za’a iya cin wannan hadin burodin da shayi bayan an sha ruwa. Kuma za a iya aika wa makwabta domin su dandana sabon salon burodi. A sha ruwa lafiya.
MAJNOON hausa love novels
Matashin saurayine mai kimanin shekaru 30, gashin kansa duk ya kudun dune, Launin fatarsa ya chanza saboda dattin dake jikinsa rigarsa duk ta yage, Farine amma saboda tsabar datti har farin yafara dishewa, fatar jikinsa dukta jeme saboda zafin rana hakama tufafin dake jikinsa, amma hakan bai hana kyan fuskarsa fita ba, kyankywane duk da cikin sigar hauka yake...... Read more