Sunday, July 19, 2015
Ina masu Girman kai toku saurara kuji.
KUDUBI IRIN AZABAR DA ALLAH YAKE YIWA
MASU GIRMAN KAI:by ABBA--GANA
1. AADAWA (mutanen Annabi Huud a.s.):
Yayin da Manzo yaje musu da gargadi daga
Ubangijinsu sai sukayi girman kai suke ganin
cewar:
Su sunfi Qarfin wani mutum yayi musu wa'azi.
WAI DON ME BA ZA'A TURO MUSU MALA'IKU
BA!!!
Saboda Qarfin jiki da da kuma Girman halittar da
Ubangijinsu yayi musu.
Sai sukayi jayayya da ayoyinsa, suka Qaryata
Manzanninsa, suka bi son zuciyarsu.
Daga Qarshe sai Ubangiji ya tura musu wata irin
iska daga gareshi MAI QARFIN GASKE, mai
tsananin Sanyi.
Har tsawon Darare Bakwai da wuni Takwas
wannan Masifaffiyar iskar tana bugawa akansu.
Ta rurrushe gidajensu da katangun da suka
kewaye garin dashi, Sannan ta Tsintsinke
Kayuwansu, Tayi rugu-rugu da gangar jikinsu, nan
ta barsu ayayyashe tamkar guma-guman
bishiyoyin dabinai..
Allah yana bamu labarinsu ne domin mu
wa'azantu mu gyara halayenmu karmu aikata irin
laifukansu.
Tabbas Girman - Kai sutura ce ta ALLAH.
Allah ya riga ya rantse cewa duk mutumin daya
ara ya yafa, to saiya Qaskantashi ya azabtar
dashi.
Allah ka rabamu da girman kai. adsense 2 here
Burodin ayaba
Barkanmu da ganin wata mai girma tare da fatan kuna cikin koshin lafiya. A yau na kawo muku yadda ake yin burodin ayaba. Za a iya gwada wa a lokacin yin buda baki ko kuma don yi wa bakin da aka gayyato shan ruwa. Kamar yadda muka yi muku alkawari , za mu cigaba da kawo muku nau’ukan girke-girke daban-daban.
Abubuwan da za a bukata:
•Fulawa
• kwai
• Suga
•‘Baking powder’
•Ayaba
•Madara
•Bata
Hadi:
A samu ayaba biyu a kwabasu da cokali mai yatsu, sannan a zuba fulawa a kwano sannan a zuba ‘baking powder’ da suga da madara sannan a kwaba. Bayan haka, a zuba bata kamar cokali biyu sannan a kwaba sosai. Sannan a fasa kwai biyu da wannan kwababben ayabar a cikin fulawar da aka yi masa hadin suga da sauransu. Sai a gauraya don su kwabu. Sannan sai a dauko na’urar gasa burodi a zuba sannan a saka a gidan gasa burodi. Bayan mintuna arba’in da biyar, sai a cire.
Za’a iya cin wannan hadin burodin da shayi bayan an sha ruwa. Kuma za a iya aika wa makwabta domin su dandana sabon salon burodi. A sha ruwa lafiya.
MAJNOON hausa love novels
Matashin saurayine mai kimanin shekaru 30, gashin kansa duk ya kudun dune, Launin fatarsa ya chanza saboda dattin dake jikinsa rigarsa duk ta yage, Farine amma saboda tsabar datti har farin yafara dishewa, fatar jikinsa dukta jeme saboda zafin rana hakama tufafin dake jikinsa, amma hakan bai hana kyan fuskarsa fita ba, kyankywane duk da cikin sigar hauka yake...... Read more
Ameen
ReplyDeleteAmiin
ReplyDelete