Assalamu Alaikum Malam gidanmu yana kusa da masallaci, muna jiwo kiran sallah da ikama ta lasifika, koya halatta in bi sallar jam’i daga laspika ??? (Daga Husna Ahmad). AMSA: ----- DA SUNAN ALLAH MAI RAHMA MAIJIN QAI. To ‘yar’uwa wannan mas’alar takasu kashi biyu: 1- Idan ya zamana dakinki yana like da masallacin, to tabbas wannan ya halatta, saboda Nana A’isha (R.A) tabi sallar kisfewar rana daga ‘dakinta, a zamanin Annabi (s.a.w) kamar yadda Bukhari ya rawaito hakan a hadisi mai lamba ta: 184, sannan Abdur Razzaq ya rawaito cewa: Ta kanbi ragowar salloli daga dakinta” kamar yadda yazo a littafinsa na (al-Musannaf, hadisi mai lamba ta: 4883). Saboda ‘dakinta ajikin masallacin Annabi (s.a.w) yake. 2. Idan ya zama ‘dakin baya kusa da masallacin, to zance mafi inganci shine: Bai halatta kibi ba, saboda a zamanin Annabi (s.a.w) sahabbai suna haduwa a wuri ‘daya ne idan zasuyi sallar jam’i, basa rarrabuwa. Wannan sai yake nuna cewa, hakan shine siffar sallar jama’i, sannan jera sawu a sallah, wani yana bin wani dole ne a sallar jam’i. Allah Shine Masani.
adsense 2 hereWednesday, March 23, 2016
TAMBAYA DA AMSA
Burodin ayaba
Barkanmu da ganin wata mai girma tare da fatan kuna cikin koshin lafiya. A yau na kawo muku yadda ake yin burodin ayaba. Za a iya gwada wa a lokacin yin buda baki ko kuma don yi wa bakin da aka gayyato shan ruwa. Kamar yadda muka yi muku alkawari , za mu cigaba da kawo muku nau’ukan girke-girke daban-daban.
Abubuwan da za a bukata:
•Fulawa
• kwai
• Suga
•‘Baking powder’
•Ayaba
•Madara
•Bata
Hadi:
A samu ayaba biyu a kwabasu da cokali mai yatsu, sannan a zuba fulawa a kwano sannan a zuba ‘baking powder’ da suga da madara sannan a kwaba. Bayan haka, a zuba bata kamar cokali biyu sannan a kwaba sosai. Sannan a fasa kwai biyu da wannan kwababben ayabar a cikin fulawar da aka yi masa hadin suga da sauransu. Sai a gauraya don su kwabu. Sannan sai a dauko na’urar gasa burodi a zuba sannan a saka a gidan gasa burodi. Bayan mintuna arba’in da biyar, sai a cire.
Za’a iya cin wannan hadin burodin da shayi bayan an sha ruwa. Kuma za a iya aika wa makwabta domin su dandana sabon salon burodi. A sha ruwa lafiya.
MAJNOON hausa love novels
Matashin saurayine mai kimanin shekaru 30, gashin kansa duk ya kudun dune, Launin fatarsa ya chanza saboda dattin dake jikinsa rigarsa duk ta yage, Farine amma saboda tsabar datti har farin yafara dishewa, fatar jikinsa dukta jeme saboda zafin rana hakama tufafin dake jikinsa, amma hakan bai hana kyan fuskarsa fita ba, kyankywane duk da cikin sigar hauka yake...... Read more
Allah yasaka
ReplyDelete